İstanbulda TDT-yə üzv ölkələrin Müdafiə Sənayesi Qurumlarının 1-ci Toplantısı keçirilib
İstanbulda “IDEF 2025” Beynəlxalq Müdafiə Sənayesi sərgisi çərçivəsində Türk Dövlətləri Təşkilatına (TDT) üzv ölkələrin Müdafiə Sənayesi Qurumlarının 1-ci Toplantısı” keçirilib.
Crossmedia.az xəbər verir ki, toplantıda Türk Dövlətləri Təşkilatının Baş katibi Kubaniçbek Ömüraliyev, Azərbaycanın müdafiə sənayesi naziri Vüqar Mustafayev, Türkiyə Respublikasının Prezident Administrasiyasının Müdafiə Sənayesi Baş İdarəsinin sədri Haluk Görgün, Qazaxıstanın sənaye və tikinti naziri Yersayin Nagaspayev, Qırğızıstan müdafiə nazirinin müavini Azizbek Baybalayev və Özbəkistan Müdafiə Sənayesi Agentliyinin direktoru Mansurjon İbodullayev iştirak ediblər.
TDT çərçivəsində yaradılan bu qurum üzv ölkələr arasında müdafiə sənayesi sahəsində ortaq baxışın möhkəmləndirilməsinə xidmət edəcək, eləcə də bilik və təcrübə mübadiləsinə əsaslanan davamlı əməkdaşlıqların yolunu açacaq.
15:27 23.07.2025
Oxunuş sayı: 1100
