“İsrail ordusu Qəzzadakı ərazilərdən çəkiləcək” - POLİTOLOQ
Yaxın Şərqdə vəziyyət yenidən gərgin olaraq qalır. Qəzza sektorunda davam edən münaqişə fonunda beynəlxalq səylərlə atəşkəsə nail olmaq üçün müxtəlif təkliflər irəli sürülür. Son olaraq, ABŞ prezidentinin xüsusi nümayəndəsi Stiven Uitkoff tərəfindən təqdim olunan yeni atəşkəs planı diqqət mərkəzinə düşüb. Lakin HƏMAS bu təklifi rədd edəcək. Bildirilir ki, İsrail tərəfindən təsdiqlənmiş bu sənəd HƏMAS-ın müharibənin tam dayandırılması da daxil olmaqla əsas tələblərinə cavab vermədiyindən qəbul edilə bilməz. Bu qərar bölgədəki sülh perspektivlərinə yenidən sual işarəsi qoyur.
Mövzu ilə bağlı politoloq Əlimusa İbrahimov Crossmedia.az-a açıqlamasında bildirib:
“Amerika Birləşmiş Ştatlarının ciddi-cəhdlərinə baxmayaraq İsraillə-HƏMAS arasında atəşkəsin əldə olunmasına nail olmaq hələ də mümkün olmur. Son məlumatlara görə Uitkoffun təklif etdiyi 60 günlük atəşkəs planı bu dəfə HƏMAS tərəfindən rədd edilə bilər. HƏMAS rəhbərləri bu təklifin daha artıq dərəcədə İsrailyönümlü olduğunu iddia edirlər. Yeni təklifə 18 mərhumla birlikdə 10 canlı girovun azad edilməsi daxildir və girovların azad edilməsi iki raundda baş tutacaqdı. Bundan əlavə, hər iki tərəf HƏMAS və İsrailin razılaşdığı təqdirdə, son tarixdən sonra uzadılan 60 günlük atəşkəslə razılaşacaq. Razılaşma çərçivəsində nəhayət, İsrail Ordusu Qəzzadakı ərazilərdən çəkiləcək və humanitar yardımın paylanmasını BMT öz üzərinə götürəcək. Qrupun yüksək rütbəli rəsmisi Basim Naim cümə axşamı Reuters agentliyinə bildirib ki, İsrailin ABŞ prezidenti Donald Trampın Yaxın Şərq üzrə xüsusi nümayəndəsi Steve Uitkoff tərəfindən təqdim olunan Qəzzada atəşkəs təklifinə verdiyi cavab HƏMAS-ın tələblərinə cavab vermir. Amma bütün bunların İsrailə müharibəni davam etdirə biləcək imkanın veriləcəyinə şübhə yaradır. Gözlənilən odur ki, ABŞ və şəxsən Tramp atəşkəsin əldə olunmasında çox maraqlıdır və istəyinə nail olacaq”.
Ayhan Ağarzayev
13:49 30.05.2025
Oxunuş sayı: 20325
