Əraqçıdan Avropaya mesaj: “Top sizin meydançanızdadır”
İranın xarici işlər naziri Abbas Əraqçı Avropa ilə münasibətlərin gərginləşdiyini bildirib.
Crossmedia.az İran mediasına istinadən xəbər verir ki, onun sözlərinə görə, Tehranla Fransa, Almaniya və Böyük Britaniya arasındakı diplomatik əlaqələr hazırda ən aşağı səviyyəyə enib.
Nazir bu barədə “X” sosial şəbəkəsində paylaşım edərək, yaranmış vəziyyəti “hər kəsin uduzduğu bir oyun” kimi qiymətləndirib.
Əraqçı gərginliyi azaltmaq və dialoqu bərpa etmək məqsədilə Paris, Berlin və Londona səfər etməyə hazır olduğunu açıqlayıb.
O, Avropa ölkələrini kənar qrupların təsirindən uzaq durmağa çağıraraq, bu kritik mərhələdə veriləcək qərarların İranla münasibətlərin gələcək taleyinə birbaşa təsir göstərəcəyini vurğulayıb.
22:45 24.04.2025
Oxunuş sayı: 8851
