Polşa Prezidenti: Ukrayna Rusiya ilə sülh danışıqlarında müəyyən güzəştlərə getməli olacaq
Polşa Prezidenti Anjey Duda Ukraynanın Rusiya ilə mümkün sülh danışıqları çərçivəsində müəyyən güzəştlərə getməli olacağını bildirib.
Crossmedia.az xəbər verir ki, bu barədə o, Euronews telekanalına verdiyi müsahibəsində danışıb.
“Ukrayna da müəyyən dərəcədə təslim olmalı olacaq və çox güman ki, bu belə olacaq. Nə dərəcədə? İndiki mərhələdə bunu demək mənim üçün çətindir. Bu, kompromis olmalıdır. Hər bir tərəf təslim olmalı olacaq”, – deyə Duda qeyd edib.
O, bu fikirləri İsrail Prezidenti İsaak Hersoqla birgə keçirilən mətbuat konfransı zamanı səsləndirib. Duda, həmçinin, ABŞ-ın keçmiş prezidenti Donald Trampın diplomatik səyləri nəticəsində Ukraynada davamlı sülhün mümkün ola biləcəyinə ümid etdiyini vurğulayıb.
Mədinə Cəlilova
21:31 24.04.2025
Oxunuş sayı: 795
