Fransada liseydə bıçaqlı hücum: bir qız ölüb, üç şagird yaralanıb
Fransanın qərbində yerləşən Nante şəhərində dəhşətli hadisə baş verib. Yerli mediada yayılan məlumatlara görə, bir liseydə oxuyan 15 yaşlı oğlan sinif yoldaşlarına bıçaqla hücum edib. Hadisə nəticəsində yuxarı sinif şagirdi olan bir qız həyatını itirib, daha üç şagird isə müxtəlif dərəcəli bədən xəsarətləri alıb.
Crossmedia.az xarici mediaya istinadən bildirir ki, hücum iki ayrı sinif otağında baş verib. Əvvəlcə şübhəli şəxs yuxarı mərtəbədəki sinifdə bir şagirddən qisas alaraq ona bıçaqla hücum edib, daha sonra isə aşağı mərtəbəyə enərək oradakı digər şagirdləri də yaralayıb. Hadisəyə dərhal müdaxilə edən müəllimlər cinayətkarı saxlayaraq polis gələnə qədər nəzarətdə saxlayıblar.
Hücumla bağlı ilkin araşdırmalar davam edir. Hazırda insidentin terror aktı kimi qiymətləndirilmədiyi bildirilir. Hücumun səbəbləri və şübhəlinin motivləri barədə də araşdırmalar aparılır. Hadisə Fransada məktəblərdə təhlükəsizlik məsələsini yenidən gündəmə gətirib.
Fatimə Nəbiyeva
21:18 24.04.2025
Oxunuş sayı: 9156
