Pakistan Hindistana məxsus aviaşirkətlər üçün hava məkanını bağladı
Pakistan Hindistana məxsus və Hindistan tərəfindən idarə olunan bütün aviaşirkətlərin ölkə hava məkanından istifadəsini qadağan edib.
Bununla yanaşı, Hindistanın müdafiə, aviasiya və dəniz məsələləri üzrə attaşeləri persona non grata elan olunub. Eyni zamanda, Vağah sərhəd-keçid məntəqəsi bağlanıb və Hindistanla bütün tranzit ticarət dayandırılıb.
Crossmedia.az xarici mediaya istinadən xəbər verir ki, Pakistan hökuməti bu addımı regionda artan siyasi və hərbi gərginlik fonunda atdığını açıqlayıb.
Qeyd edək ki, İslamabadla Yeni Dehli arasında münasibətlər uzun müddətdir gərgin olaraq qalır. Bu gərginlik əsasən Kəşmir bölgəsi üzərindəki mübahisə və hərbi qarşıdurmalarla bağlıdır.
Fatimə Nəbiyeva
17:34 24.04.2025
Oxunuş sayı: 10370
