Donald Trampın xüsusi nümayəndəsi “Şimal axını – 2” sanksiyalarının ləğvini təklif edib
ABŞ prezidenti Donald Trampın xüsusi nümayəndəsi Stiv Uitkoff Rusiyaya qarşı tətbiq edilən enerji sanksiyalarının yumşaldılmasını və xüsusilə “Şimal axını – 2” qaz kəmərinə yönəlik məhdudiyyətlərin aradan qaldırılmasını təklif edib.
Crossmedia.az xarici mediaya istinadən bildirir ki, Uitkoff Ağ Evdə bu təşəbbüsün əsas tərəfdarına çevrilib və Rusiya enerji sektoruna tətbiq edilən bütün sanksiyaların siyahıya alınması üçün komandasına xüsusi tapşırıq verib.
Məlumatlı şəxslərin sözlərinə görə, Ağ Evdə 2022-ci ilin sentyabrında sabotaj nəticəsində sıradan çıxan “Şimal axını – 2” layihəsinin hələ də işlək olan bir xətti ilə bağlı sanksiyaların tamamilə ləğvi müzakirə olunur.
Xatırladaq ki, “Şimal axını – 2” layihəsi Rusiya qazını birbaşa Almaniyaya çatdırmaq məqsədi daşıyırdı və geosiyasi müstəvidə böyük mübahisələrə səbəb olmuşdu.
Fatimə Nəbiyeva
16:44 24.04.2025
Oxunuş sayı: 993
