Silah yardımı Moskvanı qəzəbləndirdi: 21 Britaniya deputatına sanksiya
Rusiya Xarici İşlər Nazirliyi Böyük Britaniya parlamentinin 21 üzvünün ölkəyə girişinə qadağa qoyulduğunu açıqlayıb.
Crossmedia.az xarici KİV-ə istinadən xəbər verir ki, Nazirliyin bəyanatında qərarın Britaniyanın Rusiyaya qarşı "düşmənçilik siyasəti"nə cavab olaraq verildiyi bildirilib.
Rəsmi Moskva Londonu Ukraynaya silah tədarükü və Rusiyaya qarşı sanksiyaların tətbiqində fəallıq göstərməkdə ittiham edib.
Siyahıya Britaniyanın 21 vətəndaşı, o cümlədən Lordlar Palatasının üzvləri və İcmalar Palatasının deputatları daxildir.
Nazirlik, gələcəkdə bu tip məhdudiyyətlərin genişləndirilə biləcəyini də istisna etməyib.
12:24 24.04.2025
Oxunuş sayı: 8431
