Ukrayna Britaniyadan təxminən 1 milyard dollar alıb
Aprelin 14-də Böyük Britaniya dondurulmuş Rusiya aktivlərindən istifadə edərək “G7”nin kredit mexanizmi çərçivəsində Ukraynaya 752 milyon funt sterlinq (990 milyon ABŞ dolları) göndərib.
Crossmedia.az “Reuters”-a istinadən xəbər verir.
Böyük Britaniyanın Ukraynaya son tranşı 2,26 milyard funt sterlinq məbləğində planlaşdırılan üç ödənişdən ikincisidir. Birinci trans martın 6-da baş tutub və 752 milyon funt sterlinq təşkil edib.
Qalan vəsaitin 2026-cı ildə ödənilməsi planlaşdırılır.
“Dünya gözlərimizin önündə dəyişir, qlobal qeyri-sabitlik, xüsusən də Rusiyanın Ukraynaya qarşı aqressiyası ilə yenidən formalaşır”, - Böyük Britaniyanın maliyyə naziri Reyçel Rivz bildirib.
22:50 14.04.2025
Oxunuş sayı: 9180
