Cəmiyyət

Türkiyədən Azərbaycana dəstək aksiyası

X platformasının Türkiyə seqmentində istifadəçilər "Araplaşmayacağız" (Ərəbləşməyəcəyik) həştəqi ilə çoxsaylı paylaşımlar edirlər.

Crossmedia.az xəbər verir ki, bu həştəq altında istifadəçilər türk kimliyi, mədəniyyəti və adət-ənənələri ilə bağlı fikirlərini bölüşürlər.

Paylaşımlarda Azərbaycanla həmrəylik mesajları da yer alır. Bir sıra istifadəçilər "Türk xalqı olaraq Azərbaycan xalqının yanındayıq" sözlərini yazaraq iki xalq arasındakı qardaşlıq münasibətlərinə diqqət çəkirlər.

İstifadəçilərin bir qismi Türkiyə ilə Azərbaycanın ortaq köklərinə və mədəni yaxınlığına istinad edirlər.

Həştəq çərçivəsində bəzi istifadəçilər ərəb və türk mədəniyyətləri arasındakı fərqlərlə bağlı fikirlərini bölüşür, türk kimliyinin və adət-ənənələrinin qorunmasının vacibliyini vurğulayırlar.(Oxu.az)

Mövzular:

Türkiyə Azərbaycan Türk xalqı mədəniyyət adət-ənənələr

🖨 Çap et

12:41 18.10.2026

Oxunuş sayı: 60