Xarici xəbərlər

İran ABŞ və İsrailə xəbərdarlıq etdi: Planımız daha dağıdıcı olacaq

İran ABŞ və İsraillə mümkün yeni müharibədə əvvəlkilərdən daha dağıdıcı plan həyata keçirəcəyini bəyan edib.

Crossmedia.az xəbər verir ki, bu barədə İran Təhlükəsizlik Şurasının katibi Möhsün Rzayi açıqlama verib.

O bildirib ki, ABŞ və İsrail rəsmilərinin son günlərdə səsləndirdiyi təhdidlər və bəyanatlar bölgədəki real vəziyyəti dəyişmir.

Möhsün Rzayinin sözlərinə görə, İran Silahlı Qüvvələri yeni hərbi əməliyyat ehtimalına qarşı plan hazırlayıb. Onun iddiasına görə, bu plan 12 günlük və 40 günlük müharibələr zamanı həyata keçirilən əməliyyatlardan daha dağıdıcı olacaq.

Rzayi əlavə edib ki, İranın yeni əməliyyat strategiyası ABŞ və İsrailin tanımadığı qaydalar əsasında həyata keçiriləcək.

Mövzular:

İran ABŞ İsrail Möhsün Rzai İran Silahlı Qüvvələri yeni müharibə hərbi strategiya

🖨 Çap et

16:36 18.10.2026

Oxunuş sayı: 66