Zelenskidən Trampa çağırış - "Razılaşmadan əvvəl Ukraynaya gəlin”
Ukrayna prezidenti Volodimir Zelenski ABŞ prezidenti Donald Trampı Rusiya ilə mümkün hərbi razılaşmadan əvvəl Ukraynaya səfər etməyə dəvət edib.
Crossmedia.az Ukrayna mediasına istinadən xəbər verir ki, Zelenski bu çağırışı CBS telekanalının “60 dəqiqə” proqramına verdiyi müsahibədə səsləndirib.
O, Trampdan müharibənin real fəsadlarını şəxsən görməsini istəyib:
“Lütfən, istənilən qərardan və ya danışıqlardan əvvəl gəlin, burada insanların, mülki vətəndaşların, əsgərlərin, xəstəxanaların, kilsələrin və uşaqların necə məhv edildiyini öz gözlərinizlə görün”, – deyə Ukrayna lideri bildirib.
Xatırladaq ki, Aprelin 13-də səhər saatlarında Rusiyanın Sumı şəhərinə hücumu nəticəsində 34 nəfər həyatını itirib, 117 nəfər yaralanıb.
Aybəniz Səfərova
22:40 14.04.2025
Oxunuş sayı: 1615
