Türkiyə və İraq Suriya ilə bağlı İŞİD düşərgələri məsələsində razılaşdı
PKK-ya qarşı təhlükəsizlik əməkdaşlığında son dövrlərdə irəliləyiş əldə edən Türkiyə və İraq, Suriyanın şimalındakı İŞİD düşərgələrindən qaynaqlanan problemlərin həlli üçün birgə komitə qurmaq qərarına gəliblər.
Crossmedia.az xəbər verir ki, Suriyanın şimalında təxminən 10 min İŞİD üzvü həbsxanalarda saxlanılır. Onların təxminən 50 min nəfərə çatan ailə üzvləri isə müxtəlif düşərgələrdə nəzarət altındadır.
İraqın, Suriyanın şimal-şərqindəki əl-Hol və Roj düşərgələrində saxlanılan İraq vətəndaşı olan İŞİD üzvlərinin yaxınlarını geri qəbul etməsi prinsipi üzərində qurulan razılaşma, region ölkələrinin birgə formalaşdırdığı “Beşli Mexanizm” çərçivəsində əhəmiyyətli bir mərhələ hesab olunur.
Bu əməkdaşlıq həm İŞİD təhlükəsinin idarə olunması, həm də bölgədə sabitliyin təmin edilməsi baxımından Türkiyə və İraq arasında yeni bir koordinasiyanın əsasını qoyur.
Mədinə Cəlilova
21:12 14.04.2025
Oxunuş sayı: 6228
