Bu şəhərdə içməli su təchizat infrastrukturu təmir ediləcək
Siyəzəndə əhalini içməli su ilə təmin edən nasos stansiyaları, su anbarları təmir olunacaq.
Crossmedia.az xəbər verir ki, bu barədə Azərbaycan Dövlət Su Ehtiyatları Agentliyi məlumat yayıb. Bu işləri qurumun tabeliyindəki Siyəzən Su Meliorasiya Sistemlərinin İstismarı idarəsi həyata keçirəcək.
İçməli su sahəsi üzrə 8 632 abonentə xidmət göstərilir ki, bunun da 8 302-si əhali, 330-u isə qeyri əhalidir. Ötən il mənbədən 2 563 875 m3 içməli su götürülüb və bunun 1 930 792 m3-i istehlakçılara verilib.
İndiyə qədər rayonda 425 içməli su, 650-si isə kanalizasiya şəbəkəsi olmaqla cari təmir işləri aparılıb. Hazırda bu istiqamətdə işlər davam edir.
Siyəzən Su Meliorasiya Sistemlərinin İstismarı İdarəsi meliorasiya sahəsi üzrə 2032 abonent olmaqla 12137 ha suvarılan əraziyə xidmət göstərir. Bunun üçün idarənin balansında 247 km-ə yaxın açıq suvarma kanalı mövcuddur ki, ondan 222 km torpaq məcralı, 24 km-i beton üzlüklüdür. Balansda 3 km-dən artıq boru, 199 km qapalı şəbəkə, 147 km isə kollektor-drenaj şəbəkəsi mövcuddur. 2025-ci il üzrə idarənin qarşıya qoyduğu vəzifələr olaraq torpaq məcralı kanalların beton üzlüyə alınması nəzərdə tutulur. Bununla yanaşı idarə sel və daşqınlara qarşı da tədbirlərini davam etdirir. Rayon ərazisindən axan çay məcralarında ekskovator və buldozerlərlə çay məcralarının tənzimlənməsi mütəmadi olaraq aparılır.
Bu il Siyəzəndə 5 771 ha kənd təsərrüfatı bitkiləri əkilib ki, bunun da 2 600 ha taxıl , 1 699 ha biçənək, 292 ha yonca, 85 ha tərəvəz-bostan, 13 ha dən üçün qarğıdalı, 785 ha bağ-meşə və 296 ha həyətyanı sahələrdir. Ümumilikdə 12552 hektar sahə suvarılıb və əkin sahələrinin orta suvarılma sayı 2,2 dəfə olub.
09:57 04.04.2025
Oxunuş sayı: 665
