PSJ qış transfer pəncərəsində yeni qapıçı almayacaq
PSJ qış transfer pəncərəsində yeni qapıçı transfer etməyi planlaşdırmır və klub rusiyalı qolkiper Matvey Safonovun çıxışından razıdır.
Crossmedia.az xəbər verir ki, “Canal+” telekanalının jurnalisti Olivye Tallaron bu barədə “X” sosial şəbəkəsində məlumat yayıb.
Jurnalistin sözlərinə görə, Safonov hazırda Paris klubunun əsas heyətində möhkəmlənib. Bu səbəbdən qış transfer dövründə qapıçı mövqeyinə yeni futbolçunun cəlb olunması gözlənilmir.
Oktyabrın 20-də PSJ UEFA Çempionlar Liqasının ümumi mərhələsinin üçüncü turunda “Barselona”ya qalib gəlib. Parisdəki “Park de Prens” stadionunda keçirilən qarşılaşma Fransa təmsilçisinin 4:2 hesablı qələbəsi ilə başa çatıb. Həmin oyunda PSJ-nin qapısını Safonov qoruyub.
Fransa çempionatında isə yeddi turdan sonra PSJ 14 xalla ikinci pillədə qərarlaşıb.
22:57 22.10.2026
Oxunuş sayı: 56
