Ermənistan azərbaycanlı çobanı Azərbaycana qaytaracaq
Ermənistanın Baş naziri Nikol Paşinyan azaraq ölkə ərazisinə keçən Azərbaycan vətəndaşı Yaşar Qasımovun Azərbaycana qaytarılacağını bildirib.
Crossmedia.az xəbər verir ki, Ermənistan İctimai Radiosu bu barədə məlumat yayıb.
Paşinyanın sözlərinə görə, Azərbaycan vətəndaşı sərhədi keçdikdən sonra Ermənistan hərbçiləri tərəfindən aşkarlanıb və Milli Təhlükəsizlik Xidmətinə təhvil verilib.
Baş nazir qeyd edib ki, sərhədi keçən şəxsin geri qaytarılması üçün müvafiq addımlar atılmalıdır.
Ermənistanın Milli Təhlükəsizlik Xidmətinin məlumatına əsasən, 1968-ci il təvəllüdlü Yaşar Qasımov oktyabrın 19-da saat 17:50 radələrində Tavuş vilayətində aşkarlanıb. O, Tovuz rayonunun Çatax kəndinin sakinidir.
Qurumun açıqlamasında bildirilir ki, aparılan yoxlamalar nəticəsində Qasımovun yolu azaraq Ermənistan ərazisinə keçdiyi müəyyən edilib. Onun Azərbaycana qaytarılması üçün tədbirlər görülür.
20:47 22.10.2026
Oxunuş sayı: 57
