Futbola baxmaq üçün həyat yoldaşını zirzəmidə stula bağladı
ABŞ-nin Virciniya ştatında 64 yaşlı kişi futbol matçına maneəsiz baxmaq üçün həyat yoldaşını yapışqan lentlə stula bağlayaraq zirzəmidə saxladığına görə həbs edilib.
Crossmedia.az xəbər verir ki, “WFLA” telekanalı bu barədə məlumat yayıb.
Hadisə oktyabrın 11-də Riçmond şəhərinin Meyplvud prospektində yerləşən evdə baş verib. Məişət münaqişəsi barədə daxil olan çağırışdan sonra hadisə yerinə gələn polis əməkdaşlarına qadın ərinin onu stula bağladığını və təxminən 30–45 dəqiqə zirzəmidə saxladığını bildirib.
Polis qadının əllərində yapışqan lentin izlərini və qalıqlarını aşkar edib. Bundan sonra 64 yaşlı Terri Uord həbs olunub. O, həyat yoldaşını bağlayaraq zirzəmiyə yerləşdirdiyini və yuxarı mərtəbədə futbol matçına maneəsiz baxmaq istədiyini etiraf edib.
Kişiyə adam oğurluğu, eləcə də xırda hüquq pozuntusu və ailə üzvlərinə qarşı fiziki zorakılıq ittihamları irəli sürülüb. Uordun noyabrın 10-da Riçmond dairə məhkəməsi qarşısına çıxacağı gözlənilir.
23:17 22.10.2026
Oxunuş sayı: 53
