From Software yeni oyununu elan etdi: The Duskbloods

Dark Souls, Bloodborne və Elden Ring kimi unudulmaz istehsalları oyun dünyasına gətirən From Software, Nintendo Switch 2 üçün xüsusi olaraq hazırlanmış yeni RPG oyunu The Duskbloods-u açıqladı.
Crossmedia.az xarici mediaya istinadən bildirir ki, From Software, Armored Core, Dark Souls və Bloodborne kimi möhtəşəm oyunlar istehsal etdikdən sonra, Elden Ring ilə zirvəsinə çatan əfsanəvi oyun studiyası tamamilə yeni bir oyun buraxmağa hazırlaşır. The Duskbloods adlanan bu yeni oyun bu gün rəsmi olaraq təqdim edilən Nintendo Switch 2 üçün eksklüziv olacaq.
Çox oyunçu RPG olduğu açıqlanan The Duskbloods haqqında bilinənlər olduqca məhduddur. Ancaq paylaşılan ilk məlumat oyunun vampirlər və ya vampirə bənzər canlılar haqqında olacağını göstərir. Oynanış mexanikasının From Software-in digər oyunlarına bənzəyəcəyi bildirilir. Bu o deməkdir ki, bizi soulslike janrında yeni bir oyun gözləyir. Çünki studiyanın oyunları indi “ruhlara bənzər” kimi tanınan bütöv bir alt janr yaratmışdır.
Fatimə Nəbiyeva
15:29 03.04.2025
Oxunuş sayı: 625