Trampın tarifləri: Qızıl və avro yüksəldi
ABŞ Prezidenti Donald Trampın “qarşılıqlı tariflər” elanından sonra dollar zəifləyib, nəticədə qızılın qiyməti yüksəlib və avro beş ayın ən yüksək səviyyəsinə çatıb.
Crossmedia.az xarici mediaya istinadən bildirir ki, Tramp çərşənbə günü bütün ölkələrə ən azı 10 faizlik tarif tətbiq edəcəyini açıqlayıb. Çin, Avropa İttifaqı və Vyetnam müvafiq olaraq 34 faiz, 20 faiz və 46 faiz tariflərlə ən çox təsirlənən ölkələr olub. ABŞ istiqrazlarının gəlirliliyi düşdüyü üçün dollar digər əsas valyutalara qarşı zəifləyib.
Bu qərar qlobal bazarlarda narahatlığa səbəb olub, nəticədə Asiya birjaları ucuzlaşıb. Nikkei 225 indeksi 3 faiz, Hang Seng 1,5 faiz, ASX 200 və Kospi isə 1 faiz geriləyib. Mədən şirkətlərinin səhmləri də kəskin düşüb, BHP 2,4 faiz, Rio Tinto isə 2,8 faiz dəyər itirib.
Zəhra Ağayeva
12:47 03.04.2025
Oxunuş sayı: 5880
