Suriya XİN İsrailin hücumlarını pislədi
Suriya Ərəb Respublikasının Xarici İşlər Nazirliyi İsrailin ölkəyə qarşı həyata keçirdiyi hücumları kəskin şəkildə qınayıb. Nazirliyin bəyanatına görə, beynəlxalq hüququn pozulması ilə İsrail ordusu cəmi 30 dəqiqə ərzində Suriyanın beş bölgəsinə zərbələr endirib. Nəticədə Hama hərbi hava limanı tamamilə dağıdılıb, onlarla mülki şəxs və hərbçi yaralanıb.
Crossmedia.az xəbər verir ki, bunu xarici KİV yazıb.
Belə ki, rəsmi Dəməşq bu hücumları ölkənin sabitliyini pozmağa və xalqın əziyyətlərini artırmağa yönəlmiş məqsədli təxribat kimi qiymətləndirir.
Bildirilib ki, Suriya 14 illik müharibədən sonra yenidənqurma işləri aparsa da, bu hücumlar bərpa səylərinə mane olur və cəzasızlığı təşviq edir.
Suriya Ərəb Respublikası beynəlxalq ictimaiyyəti İsrailin təcavüzünü qınamağa, beynəlxalq hüquqa və 1974-cü il qüvvələrin ayrılması razılaşmasına əməl olunmasını tələb etməyə çağırıb. Eyni zamanda, BMT və digər beynəlxalq təşkilatlardan İsrailin gələcək hücumlarının qarşısını almaq üçün təcili tədbirlər görmələri istənilib.
Fatimə Məmmədova
12:41 03.04.2025
Oxunuş sayı: 491
