Netanyahu Budapeştə səfər edib
Həbs hökmündən sonra İsrailin baş naziri Benyamin Netanyahu həyat yoldaşı Sara ilə birlikdə Budapeştə gəlib.
Crossmedia.az xarici mediaya istinadən xəbər verir ki,İsrailin baş nazirinin gəlişi barədə Macarıstanın müdafiə naziri Kristof Szalay-Bobrovnicski məlumat verib.
"Biz İsrailin baş naziri Benyamin Netanyahunu Budapeştdə salamlayırıq" deyə Kristof Bobrovnicski bildirib.
Məlumata görə, Benyamin Netanyahu Macarıstanın baş naziri Viktor Orbanın dəvəti ilə Budapeştə gəlib. İsrailin baş naziri Macarıstanda bir neçə gün qalacaq və Orbanla bir neçə görüş planlaşdırılıb.
Məlumata görə, bu, Beynəlxalq Cinayət Məhkəməsinin (BCM) onun həbsinə qərar verdiyi vaxtdan sonra Netanyahunun ilk səfəridir.
Qəzetin mənbələrinin verdiyi məlumata görə, səfər zamanı Benyamin Netanyahu İsrailin BCM-dən çıxmasını elan etməyi planlaşdırır.
Keçən ilin noyabr ayında BCM İsrailin baş nazirinin həbsinə qərar verib. O, Fələstin ərazisində, o cümlədən Qəzza sektorunda hərbi cinayətlərdə ittiham olunur.
Fevral ayında isə ABŞ prezidenti Donald Tramp BCM-in ABŞ və onun müttəfiqlərinə, o cümlədən İsrailə qarşı hərəkətləri səbəbindən məhkəməyə qarşı sanksiyalar tətbiq edilməsi barədə fərman imzalayıb.
Zəhra Məmmədova
11:00 03.04.2025
Oxunuş sayı: 692
