Maskın şirkətinə hücum: "Bu, vandalizmdir"
Son zamanlar “Tesla” elektrik avtomobillər şirkətinə qarşı hücumlar artıb. Belə ki, keçən ay Portland yaxınlığında eyni "Tesla" dükanını iki dəfə atəşə tutub xeyli zərər vermişdilər. Buna oxşar bir hadisə də Romada təkrarlandı və "Tesla2dükanında 17 maşın yandırdılar. Bunu şirkətin sahibi, amerikalı iş adamı Elon Maska etiraz kimi qiymətləndirənlər də var.
İqtisadçı ekspert Natiq Cəfərli isə Crossmedia.az-a açıqlamasında fərqli mövqe ortaya qoyub: "Tesla" şirkətinə qarşı atılan addımlar vandalizm xarakteri daşıyır. Bu etirazlar mənasızdır. Çünki zərər çəkmiş hər bir maşın üçün həm şirkət, həm də maşın sahibi təzminat alır. Bu vəziyyət bir vaxtlar bəzi ölkələrdə Coca-Cola şirkətinə qarşı olan etirazlara bənzəyir. "Forbes" jurnalının yeni siyahısına əsasən, Maskın varidatı yenə də artıb. O, dünyada ən varlı insan olaraq birinci yerdədir. Əgər bu vəziyyəti etiraz formasına çevirmək məqsədi güdürlərsə, olduqca mənasız bir addım atırlar. Bu cür yanaşmanı başa düşmək və qəbul etmək çətindir".
Çinarə Tarverdiyeva
16:30 02.04.2025
Oxunuş sayı: 1275
