Daily Express: “İran Trampın şərtləri ilə razılaşmasa, sentyabrda məhv olacaq”
Britaniya nəşri olan “Daily Express” qəzeti bu gün Tramp administrasiyasına istinadən yazıb ki, ABŞ Yaxın Şərqə bombardmançı təyyarələr və əlavə aviadaşıyıcı qrupu yerləşdirdiyindən, İranın nüvə sazişi ilə razılaşması üçün vaxt daralır.
Crossmedia.az məlumat verir ki, qəzetin yazdığına görə, İran nüvə sazişi ilə razılaşmasa və nüvə proqramını ləğv etməsə, “sentyabr ayına qədər məhv olacaq”. Bildirilib ki, Tehrana qarşı istənilən hücuma rəhbərlik edəcəyi gözlənilən İsrail isə hazırdır.
Qeyd olunub ki, digər tərəfdən ABŞ yaxın Şərqdə daha çox bombardmançı və strateji hərbi aviasiya, eləcə də ikinci təyyarədaşıyan donanmanın göndərilməsinə göstəriş verib.
Nuray Mikayıllı
16:18 02.04.2025
Oxunuş sayı: 812
