ABŞ Rusiya ilə sanksiyaları müzakirə edəcək
Rusiya prezidentinin biznes və investisiya üzrə nümayəndəsi, Rusiya milli rifah fondunun rəhbəri Kiril Dmitriyev yaxın günlərdə Vaşinqtona səfər edəcək.
Crossmedia.az xarici mediaya istinadən xəbər verir ki, o, Tramp administrasiyasının yüksək rütbəli nümayəndələri ilə danışıqlar aparacaq.
Onun Trampın müşavirləri Uoltz və nümayəndəsi Vitkoffla görüşü gözlənilir. Dmitriyev Vaşinqtonda atəşkəs və sanksiyalar məsələsini müzakirə edəcək.
Qeyd edək ki, ABŞ Dövlət Departamenti və Maliyyə Nazirliyi ona qarşı sanksiyaları Vaşinqtona səfər edə bilməsinə görə müvəqqəti dayandırıb.
Dmitriyevin səfəri 2022-ci ildən bu günə qədər ən yüksək rütbəli Rusiya rəsmisinin Vaşinqtona ilk rəsmi səfəri olacaq.
16:08 02.04.2025
Oxunuş sayı: 820
