KİV: Tramp Putinə zəng edərək ona əsəbləşib
ABŞ Prezidenti Donald Tramp rusiyalı həmkarı Vladimir Putinin müharibəni bitirmək üçün razılaşmanın özünə düşən hissəsini yerinə yetirəcəyini gözlədiyini bildirib.
Crossmedia.az xarici mediaya istinadən xəbər verir ki, ABŞ prezidenti Moskvanın öhdəliklərinə sadiqliyinə şübhə etdiyini ifadə etdikdən sonra jurnalistlərə açıqlamasında belə deyib: “Onun dediklərini yerinə yetirəcəyinə əmin olmaq istəyirəm. Düşünürəm ki, verdiyi sözə əməl edəcək və razılaşmanın özünə düşən hissəsini yerinə yetirəcək. Tramp həm Putini, həm də Ukrayna Prezidenti Volodimir Zelenskini tənqid edib və Ukraynadakı üç ildən artıq davam edən münaqişəni bitirmək üçün səylərini davam etdirib.
Tramp Putinin Zelenskini etibarlı bir danışıqlar tərəfi kimi görməməsini və Ukraynada yeni rəhbərlik istəyini dilə gətirməsini tənqid edib: “Bu, məni çox qəzəbləndirdi” – deyə Tramp bildirib.
Bu ayın əvvəlində Putin ABŞ-nin Ukraynada qeyd-şərtsiz atəşkəs təklifi Zelenskinin dəstəklədiyi təşəbbüs ilə razılaşmayıb və Moskvanın Ukraynada yeni rəhbərlik qurmaq istədiyini açıq şəkildə bəyan edib.
Bazar günü NBC News-un jurnalisti Kristen Walker bildirib ki, Tramp ona zəng edərək Putinə çox əsəbiləşdiyini deyib və Rusiya nefti ilə ticarət edən şirkətlərə sanksiyalar tətbiq etməklə hədələyib.
ABŞ lideri daha sonra Zelenskiyə qarşı narazılığını ifadə edərək Ukraynanın ABŞ- a mineral hüquqlarını verməklə bağlı razılaşmadan geri çəkilərsə, böyük problemlərlə üzləşəcəyini xəbərdar edib.
Kreml Putinin hələ də Trampla danışmağa açıq olduğunu bildirib.
Zəhra Məmmədova
15:47 02.04.2025
Oxunuş sayı: 873
