Covid-19 qayıdır? - Dünyada yenidən yayılır
Covid-19 virusunun yeni "LP.8.1" variantının Avstraliyada tədricən yayıldığı bildirilir.
Crossmedia.az saytı SBS News-a istinadən xəbər verir ki, bu ştam ilk dəfə 2024-cü ilin iyulunda Avstraliyada aşkarlanıb və sürətlə yayılmaqdadır.
Məlumata görə, "LP.8.1" Yeni Cənubi Uels (NSW) əyalətində Covid-19 infeksiyası hallarının arasında üçüncü ən dominant variant olub.
Bildirilib ki, bu ştamın simptomları dövriyyədə olan digər variantlarla müqayisədə daha ağır görünmür.
Ümumdünya Səhiyyə Təşkilatı (ÜST) yanvar ayında "LP.8.1" variantını qlobal yayılması səbəbilə "monitorinq altında saxlanılan" ştamlar siyahısına daxil etdiyini açıqlayıb.
Bu il Avstraliyada 45,000-ə yaxın yeni Covid-19 hadisəsi qeydə alınıb, 260-a yaxın şəxs isə virus səbəbindən xəstəxanada müalicə alır.
Pərvin Hacıyeva
15:20 02.04.2025
Oxunuş sayı: 809
