Zelenski: "ABŞ Rusiyaya qarşı sanksiyaları gücləndirəcək"
ABŞ Prezidenti Donald Tramp Rusiyaya qarşı sanksiyaları gücləndirəcək.
Crossmedia.az xarici KİV-ə istinadən xəbər verir ki, bu barədə Ukrayna Prezidenti Volodimir Zelenski Almaniyanın xarici işlər naziri Annalena Berbokla görüşü zamanı jurnalistlərə açıqlamasında deyib.
Rusiyanın ABŞ-lə razılaşmalara əməl etmədiyini vurğulayıb: "Biz sanksiya təzyiqinin artırılması anına çatdığımızı düşünürük. Ruslar verdikləri vədləri pozurlar. ABŞ bizə bu barədə məlumat verib və bunu açıq şəkildə bəyan edib".
Prezidentin sözlərinə görə, Ukrayna, demək olar ki, hər gün Rusiyanın enerji obyektlərinə zərbələr endirməkdən çəkinmədiyinə dair sübutları ABŞ-ə təqdim edir: "Bizim üçün güclü addımlar çox vacibdir. Təkcə sözlər kifayət etmir. Bütün strateji tərəfdaşlarımıza hörmətimiz var, amma əsas məsələ sanksiyalardır. Biz ABŞ ilə danışdıqlarımızı yerinə yetiririk, Rusiya isə öz üzərinə götürdüyü öhdəlikləri yerinə yetirmir".
Xumar Emilqızı
13:23 02.04.2025
Oxunuş sayı: 892
