31 Mart Soyqırımı və tarixi həqiqətlər
Türkiye qəzeti 31 mart – Azərbaycanlıların Soyqırımı Günü mövzusunda məqalə dərc edib.
Crossmedia.az Türkiyə nəşrinə istinadən xəbər verir ki ,30 mart - 3 aprel 1918-ci il tarixlərində ermənilər və bolşeviklər tərəfindən Bakı, Quba, Şamaxı və Azərbaycanın digər bölgələrində törədilən qanlı cinayətlər barədə məlumat verib.
Cəmi bir neçə gün ərzində Azərbaycanda, o cümlədən Naxçıvan və Zəngəzurda 50 minədək dinc sakin qətlə yetirilib.
"Ermənilərin qanlı cinayətlər silsiləsi yalnız Qafqaz İslam Ordusunun Azərbaycana gəlişi və ölkənin erməni silahlı dəstələrindən təmizlənməsi ilə dayandırıldı" deyə qəzet qeyd edib.
Məqalədə ümummilli lider Heydər Əliyevin 1998-ci ildə 31 martın Azərbaycanlıların Soyqırımı Günü elan edilməsi ilə bağlı qərarına toxunulur, Prezident İlham Əliyevin faciəvi tarixlə bağlı sosial şəbəkələrdəki paylaşımlarına diqqət çəkilir.
Həmçinin Ermənistan silahlı qüvvələrinin Azərbaycan sərhədində davam edən təxribatları ilə bağlı məlumat da verilir.
Zəhra Məmmədova
12:10 01.04.2025
Oxunuş sayı: 6564
