ABŞ husilərə qarşı bu bombalardan istifadə edir
ABŞ Hərbi Dəniz Qüvvələrinin aviasiyası Husilərə qarşı hava zərbələri zamanı ilk dəfə olaraq yeni GBU-53/B StormBreaker idarə olunan avia bombalarını (Small Diameter Bomb II – SDB II) döyüş şəraitində istifadə edib.
StormBreaker bombası infraqırmızı sensorlar, millimetr diapazonlu radar və yarı aktiv lazer tuşlama sistemindən istifadə edərək hədəflərə kilidlənə bilir. Atış zamanı isə raket GPS/INS ilə yönlənir.
Bu bombanın əsas üstünlüklərindən biri təyyarə ilə qarşılıqlı əlaqədə olmasıdır. StormBreaker havada olarkən yeni hədəfə yönləndirilə bilər.
Aviabomba GPS/INS sistemi ilə hədəfə qədər süzülə bilər. Bu, ona həm sabit, həm də hərəkət edən hədəfləri, gecə vaxtı və pis hava şəraitində məhv etməyə imkan verir.
ABŞ Hərbi Hava Qüvvələrinin məlumatına görə, StormBreaker sabit hədəfləri 110 km, hərəkət edən hədəfləri isə 72 km məsafədən vura bilir.
10:10 29.03.2025
Oxunuş sayı: 1185
