Panama Çinin “Kəmər və Yol” təşəbbüsündən çıxdı
Panamanın Çinin “Kəmər və Yol” Təşəbbüsündən (BRI) çıxması ölkənin nəqliyyat və logistika sahəsindəki mövqeyinə təsir edə bilər. Bu barədə İtaliyanın İqtisadi İnkişaf Nazirliyinin keçmiş dövlət katibi, professor Miçele Geraci bildirib. Geraci bu qərarın Panamanın Mərkəzi Amerika üçün əsas tranzit nöqtəsi kimi rolunu zəiflədə biləcəyini qeyd edib. Onun sözlərinə görə, Çin ilə əlaqələrin məhdudlaşdırılması Panamanın beynəlxalq ticarət imkanlarını azalda bilər.
“Hesab edirəm ki, hər bir ölkə öz seçimində sərbəstdir, lakin nisbi olaraq bu qərar o qədər də rasional görünmür,” – deyə Geraci Boao Asiya Forumunda çıxışı zamanı bildirib.
Qeyd edək ki,BRI-dən uzaqlaşmaq Panamanın gələcəkdə Çindən aldığı investisiyalara təsir edə və ölkənin strateji mövqeyini zəiflədə bilər. Bunun əvəzinə Panama ABŞ və Avropa İttifaqı kimi alternativ tərəfdaşlarla yeni iqtisadi münasibətlər qurmağa çalışa bilər.
Həmçinin Panamanın bu qərarının ölkənin iqtisadi və geosiyasi mövqeyinə uzunmüddətli təsiri isə hələlik qeyri-müəyyən olaraq qalır.
Fidan Xəlilova
06:26 29.03.2025
Oxunuş sayı: 10662
