ABŞ-nin Ermənistandakı səfiri Kristina Kvin vəzifəsindən gedir
ABŞ-nin Ermənistandakı səfiri Kristina Kvin yaxın həftələrdə vəzifəsini tərk edəcək. Bu barədə Ermənistanın “İravunk” nəşri öz mənbələrinə istinadən məlumat yayıb.
Məlumata görə, səfirin işdən çıxarılması barədə qərar təqribən 10-15 gün əvvəl qəbul edilib və o, bir ay ərzində İrəvanı tərk edəcək. Bildirilir ki, Kvinin yerinə neytral mövqe nümayiş etdirən yeni bir diplomat təyin olunacaq.
Xatırladaq ki, Kristina Kvin 2023-cü il fevralın 16-da ABŞ-nin Ermənistandakı 10-cu səfiri kimi fəaliyyətə başlayıb. O, bu vəzifəyə təyin olunmazdan əvvəl 2020–2022-ci illərdə ABŞ-nin Ukraynadakı müvəqqəti işlər vəkili vəzifəsində çalışıb.
22:50 28.03.2025
Oxunuş sayı: 7067
