Trampın tənqidlərindən sonra Zelenskinin reytinqi yüksəlib
Ukrayna Prezidenti Volodimir Zelenski ölkəsində hələ də geniş ictimai dəstəyə sahibdir.
The Economist nəşrinin sifarişi ilə Ipsos şirkətinin keçirdiyi yeni sorğu Ukrayna vətəndaşlarının prezidentə inamının yüksək səviyyədə qaldığını göstərir.
Məlumata görə, ukraynalıların 70%-dən çoxu Zelenskinin fəaliyyətini dəstəkləyir. Bununla yanaşı, respondentlərin 80%-i onun hələ də ölkənin legitim lideri olduğuna inanır və müharibə şəraitində seçkilərin keçirilməsinə qarşı çıxır.
Siyasi ekspertlər hesab edirlər ki, ABŞ prezidenti Donald Trampın Ukrayna liderinə yönəltdiyi sərt tənqidlər Zelenskinin nüfuzuna mənfi təsir göstərməyib, əksinə, ona olan ictimai dəstəyi daha da artırıb.
Maraqlıdır ki, Trampın tənqidlərindən sonra Zelenskinin reytinqi yüksəlib.
Sorğu nəticələri göstərir ki, əgər bu gün Ukraynada seçkilər keçirilsəydi, Zelenski qalib gələrdi. Onun əsas rəqibi keçmiş baş komandan Valeri Zalujnı isə ondan xeyli geridə qalır.
Ukrayna vətəndaşlarının prezidentə bu qədər güclü dəstək verməsi, həmçinin onun sülh danışıqlarına rəhbərlik etməsinə etibar etməsi Zelenskinin ölkə daxilində siyasi mövqeyinin hələ də güclü olduğunu sübut edir.
Analitiklər bildirirlər ki, bu vəziyyət Ukraynanın gələcək siyasi proseslərinə təsir edə bilər.
Nigar Yahyazadə
21:22 18.03.2025
Oxunuş sayı: 10682
