ABŞ Ermənistan və Azərbaycan arasında sülh sazişi üzrə razılaşmanı alqışlayır
ABŞ administrasiyası Ermənistan və Azərbaycan arasında sülh sazişi ilə bağlı danışıqların başa çatmasını müsbət qarşılayır və tərəfləri sənədi tezliklə imzalamağa çağırır.
Crossmedia.az xəbər verir ki, bu barədə ABŞ dövlət katibi Marko Rubionun Dövlət Departamentinin saytında yayımlanan bəyanatında bildirilib.
“Sülh sazişinin razılaşdırılması hər iki ölkə üçün onilliklər boyu davam edən münaqişəyə son qoymaq və Cənubi Qafqazda yeni dövrə başlamaq imkanı yaradır. İndi sazişi imzalayıb ratifikasiya etməyin və bölgədə sabitliyə töhfə verməyin vaxtıdır”, – deyə bəyanatda vurğulanıb.
Bəyanatda, həmçinin, razılaşmanın Prezident Donald Trampın daha möhkəm sülh vizyonuna uyğun olduğu qeyd edilib.
Mədinə Cəlilova
20:26 14.03.2025
Oxunuş sayı: 10867
