Suriya hökuməti Əsədi dəstəkləyən qüvvələrə qarşı anti-terror əməliyyatı keçirir
Suriya təhlükəsizlik qüvvələri əvvəllər Bəşər Əsəd rejimini dəstəkləmiş silahlı qruplaşmalara qarşı genişmiqyaslı kontrterror əməliyyatı (KTO) başladıb.
Crossmedia.az xarici mətbuata istinadla xəbər verir ki, mənbələrin məlumatına görə, toqquşmalar ölkənin mərkəzi və cənub vilayətləri də daxil olmaqla bir neçə bölgəsində baş verib.
Qeyd edək ki, əvvəllər Əsəd tərəfdarı olmuş döyüşçülərdən ibarət terrorçu qruplaşmalar son zamanlar aktivləşərək dinc sakinlərin təhlükəsizliyinə təhdid yaradır və vəziyyəti qeyri-sabitləşdirir. Hökumət qüvvələri bildirir ki, onların hərəkətləri yalnız terror təhlükəsinin aradan qaldırılması və nizamın bərpasına yönəlib.
Həmçinin, Türkiyənin böyük hərbi karvanı Bab əl-Hava sərhəd keçid məntəqəsi vasitəsilə Suriyanın İdlib şəhərinə daxil olub.
Hərbi qüvvələrin göndərilməsi bölgədə sabitliyin qorunması və Əsəd rejimi ilə əlaqəli terrorçu qruplaşmaların ləğvinə yönəlib.
Yerli mənbələrin məlumatına görə, Türkiyə qüvvələri İdlibin vacib ərazilərində mövqelərini gücləndirir ki, bu da dinc əhalinin təhlükəsizliyinin təmin olunmasında və yeni zorakılıq dalğasının qarşısının alınmasında mühüm addım olacaq.
Nəzrin Salmanova
08:36 07.03.2025
Oxunuş sayı: 1278
