Xarici xəbərlər
Netanyahu: ABŞ-nin İsrailə hərbi yardımı başa çata bilər
İsrailin Baş naziri Benyamin Netanyahu ABŞ-nin ölkənin müdafiə büdcəsinə ayırdığı milyardlarla dollarlıq yardımın gələcəkdə dayandırıla biləcəyini bildirib.
Crossmedia.az xəbər verir ki, bu barədə Netanyahuya aid olduğu bildirilən açıqlamada qeyd olunub.
Netanyahu vurğulayıb ki, ABŞ-nin İsrailə münasibəti dəyişib və ölkə əvvəlki həcmdə maliyyə dəstəyinin davam edəcəyinə arxalanmamalıdır.
O, ABŞ-dən müdafiə məqsədilə on milyardlarla dollar yardımın gələcəkdə də alınacağını düşünənlərin bu ehtimalın reallaşmayacağına hazır olmalı olduqlarını deyib.
“Bu, bitir. Bitdi və sona çatacaq. Sadəcə, bu, zaman məsələsidir. Çünki dəyişən İsrail deyil, Amerikadır”, – Netanyahu bildirib.
17:34 23.10.2026
Oxunuş sayı: 63
