Xarici xəbərlər
Britaniya əhalisinə 3 günlük ərzaq və su ehtiyatı çağırışı
Böyük Britaniya hökuməti vətəndaşları fövqəladə vəziyyətlərə hazır olmaq üçün evlərində ən azı üç günə kifayət edəcək su, ərzaq və dərman ehtiyatı saxlamağa çağırıb.
Crossmedia.az xəbər verir ki, bu barədə hökumətin “Be Ready” adlı yeni hazırlıq kampaniyasında bildirilib.
Tövsiyələr güclü fırtınalar, meşə yanğınları, kiberhücumlar və təchizat zəncirində yarana biləcək fasilələr zamanı əhalinin əsas ehtiyaclarını müstəqil şəkildə qarşılaya bilməsini nəzərdə tutur
Hökumətin tövsiyəsinə əsasən, hər bir şəxs üçün gündə təxminən 3 litr içməli su ehtiyatı saxlanılmalıdır. Bundan başqa, soyuducuda saxlanılması və bişirilməsi tələb olunmayan ərzaqlar, zəruri dərmanlar, ilk yardım çantası, fənər, batareya və ya əl ilə işləyən radio, enerji yığılmış portativ enerji mənbəyi və nağd pul ehtiyatı tövsiyə edilir.
Böyük Britaniyanın müdafiə naziri Ves Stritinq getdikcə mürəkkəbləşən kiberhücumların yaratdığı təhlükələrə diqqət çəkib. O, supermarketlərdə elektron ödəniş sistemlərinin sıradan çıxmasını mümkün ssenarilərdən biri kimi göstərib.
Müqayisə üçün qeyd edək ki, Almaniyada əhaliyə uzun müddətdir 10 günə kifayət edəcək fövqəladə ehtiyat toplamaq tövsiyə olunur. Bu ölkədə hər nəfər üçün gündə təxminən 2 litr maye ehtiyatı nəzərdə tutulur.
17:49 23.10.2026
Oxunuş sayı: 75
