Xarici xəbərlər
ABŞ-nin xüsusi kəşfiyyat təyyarəsi Baltikyanı ölkələr üzərində uçdu
ABŞ-a məxsus “Bombardier Artemis II” kəşfiyyat təyyarəsi Rusiya sərhədləri yaxınlığında dörd saatdan çox uçuş həyata keçirib.
Crossmedia.az xəbər verir ki, bu barədə “RİA Novosti” uçuş məlumatlarına istinadən məlumat yayıb.
Məlumata görə, Rumıniyanın Konstansa şəhərindəki aviabazada yerləşən təyyarə Moskva vaxtı ilə saat 10:40 radələrində Kalininqrad vilayətinə yaxınlaşıb. Daha sonra Estoniya və Latviya hava məkanında Rusiya sərhədi boyunca uçuşunu davam etdirib.
Saat 14:42-yə doğru təyyarə Polşa üzərindən əks istiqamətdə hərəkət edib.
Sentyabrın sonunda da ABŞ-yə məxsus “Bombardier Artemis II” kəşfiyyat təyyarəsi bir neçə saat ərzində Kalininqrad vilayəti ətrafında uçuşlar həyata keçirib.
Təyyarə ABŞ-nin “Leidos” şirkəti tərəfindən biznes-jet əsasında radiolokasiya kəşfiyyatı məqsədilə yenidən təchiz edilib.
Bundan əvvəl avqust ayında NATO-ya məxsus kəşfiyyat pilotsuz uçuş aparatı baza ilə əlaqəni itirdikdən sonra Qara dəniz üzərində dövrə vurub. Aparat Bolqarıstan ərazisində olarkən transponderini aktivləşdirib. Onun alyansın Siciliya adasında yerləşən hərbi-dəniz aviasiya bazasından havaya qalxmış ola biləcəyi bildirilib.
Daha əvvəl də NATO-ya məxsus kəşfiyyat dronunun Qara dəniz üzərində əlaqəni itirdiyi barədə məlumat yayılmışdı.
16:37 23.10.2026
Oxunuş sayı: 64
