Xarici xəbərlər
Rusiya Ukrayna ordusunun hərbi qatarlarını hədəfə aldığını bildirdi
Rusiya Müdafiə Nazirliyi Xarkov yaxınlığında Ukrayna Silahlı Qüvvələrinə (USQ) məxsus iki lokomotivin “Geran” pilotsuz uçuş aparatları ilə vurulduğunu açıqlayıb.
Crossmedia.az xəbər verir ki, bu barədə “RİA Novosti” Rusiya Müdafiə Nazirliyinə istinadən məlumat yayıb.
Nazirliyin məlumatına görə, hərbi qatarların vurulması obyektiv nəzarət kamerası tərəfindən qeydə alınıb. Hadisənin digər təfərrüatları açıqlanmayıb.
Bundan əvvəl Rusiya Silahlı Qüvvələrinin Ukraynanın Poltava vilayətində yerləşən “Poltava” vaqon deposuna pilotsuz uçuş aparatları ilə zərbə endirdiyi bildirilmişdi. Rusiya Müdafiə Nazirliyinin iddiasına görə, həmin obyekt hərbi texnikanın saxlanılması və təmiri üçün istifadə olunurdu.
Bundan əvvəl isə Rusiya ordusunun Kiyevdə yerləşən “Antonov” müəssisəsini vurduğu barədə məlumat yayılmışdı. Rusiya tərəfinin iddiasına görə, müəssisədə FP-5 “Flamingo” qanadlı raketləri və FP-9 operativ-taktiki raketləri istehsal edilirdi.
16:28 23.10.2026
Oxunuş sayı: 65
