İdman
Azərbaycan ilk dəfə Qarüstü Polo üzrə Dünya Kubokuna ev sahibliyi edəcək
Azərbaycan 2027-ci il fevralın 19–21-də Qarüstü Polo üzrə Dünya Kubokuna ev sahibliyi edəcək.
Crossmedia.az xəbər verir ki, “Snow Polo World Cup Azerbaijan-2027” turniri Şahdağda keçiriləcək və dörd ölkənin komandaları kubok uğrunda mübarizə aparacaq.
Yarışda İsveçrənin “Evviva Polo Club” St. Moritz, Avstriyanın “Kitzbühel Polo Club”, ABŞ-nin “Aspen Polo Club” və Azərbaycanın “Land of Fire” komandaları iştirak edəcək.
Üç gün davam edəcək turnirdə sürət, dəqiqlik və komanda oyunu ön planda olacaq. Atların gücü və idmançıların peşəkarlığı qar üzərində gərgin mübarizəni müşayiət edəcək.
Şahdağın qarlı mənzərəsi fonunda keçiriləcək yarışın tamaşaçılara maraqlı idman anları yaşatması gözlənilir. Sürətli hücumlar və gözlənilməz oyun dönüşləri turnirin əsas diqqətçəkən məqamları olacaq.
Təşkilatçılar tədbir çərçivəsində idman həyəcanını qış istirahəti ilə birləşdirməyi hədəfləyirlər.
“Snow Polo World Cup Azerbaijan-2027” turnirini canlı izləmək istəyənlər biletləri “iTicket.az” saytı vasitəsilə əldə edə bilərlər.
Tarix: 19–21 fevral 2027-ci il
Məkan: Şahdağ, Azərbaycan
17:57 23.10.2026
Oxunuş sayı: 72
