Bu ölkədə 6 bal gücündə zəlzələ baş verib
Çili Milli Seysmoloji Mərkəzinin (CSN) məlumatına görə, zəlzələnin episentri Antofaqasta bölgəsindəki Sierra Qorda şəhərində olub. Yeraltı təkanlar yerli vaxtla saat 13:21-də, 96 kilometr dərinlikdə baş verib.
Crossmedia.az xarici mətbuata istinadən xəbər verir ki, zəlzələdən sonra sunami xəbərdarlığı verilməyib və ilkin məlumatlara görə, can və ya mal itkisi qeydə alınmayıb.
Qeyd edək ki, dünyanın ən yüksək seysmik aktivliyə malik ölkələrindən biri olan Çili Sakit Okean Zəlzələ Kəməri – “Od halqası” zonasında yerləşir.
2010-cu il fevralın 27-də ölkədə baş verən 8,8 bal gücündə zəlzələ və ardınca gələn sunami 500-dən çox insanın həyatına son qoymuşdu.
22:13 06.03.2025
Oxunuş sayı: 8289
