Dünya Kikboksinq Təşkilatları Assosiasiyasının prezidenti Heydər Əliyevin məzarını ziyarət edib
Dünya Kikboksinq Təşkilatları Assosiasiyasının (WAKO) prezidenti Roy Beyker və vitse-prezidenti, Türkiyə Kikboksinq Federasiyasının prezidenti Salim Kayıcı Fəxri xiyabanda Ümummilli Lider Heydər Əliyevin məzarını ziyarət ediblər.
Crossmedi.az xəbər verir ki , rəsmilər abidənin önünə əklil və gül dəstələri qoyublar.
Ulu Öndərin əziz xatirəsi böyük ehtiramla yad edilib.
Qonaqlar daha sonra görkəmli oftalmoloq-alim, akademik Zərifə xanım Əliyevanın məzarı üzərinə də gül dəstəsi qoyub, əziz xatirəsini ehtiramla anıblar.
Qeyd edək ki, martın 5-dək Bakıda səfərdə olacaq federasiya rəsmilərinin Milli Olimpiya Komitəsi, Gənclər və İdman Nazirliyinin rəhbərliyi və Azərbaycan Kikboksinq Federasiyanın fəxri prezidenti Adil Əliyevlə görüşləri nəzərdə tutulub.
13:56 03.03.2025
Oxunuş sayı: 9830
