Ərdoğan və Şara tarixi görüşdə: Türkiyə Suriyada hərbi baza yarada bilər
Türkiyə prezident Rəcəb Tayyib Ərdoğan Suriya prezidenti Əhməd Şara ilə birgə mətbuat konfransında çıxış edib.
Crossmedia.az türk mətbuatına istinadən xəbər verir ki, Ərdoğan ortaq iradə ilə bölgədə terrorsuz bir mühitin hökm sürəcəyini bildirib.
Prezident Ərdoğanın açıqlamalarından diqqət çəkən məqamlar belədir:
"Minlərlə qardaşımız şəhid olub. Milyonlarla qardaşımız da öz torpaqlarını tərk etməli oldu. Lakin onlar heç vaxt mübarizədən əl çəkmədilər və sonda qalibiyyəti əldə etdilər. Suriya xalqının indi öz gələcəyini təyin etmək iradəsi var. Biz onlara lazimi dəstəyi verəcəyik. Xüsusilə Suriyanın şimal-şərqini işğal edən terror təşkilatlarını araşdırırıq. Şəra qardaşımızın terrorla mübarizədə göstərdiyi səyləri yüksək qiymətləndirirəm. Bizim gücümüzü birləşdirməkdən başqa yolumuz yoxdur".
Suriya prezidenti Şaraanın bəyanatlarından diqqət çəkən məqamlar bunlardır:
"Biz Suriya ərazisinin bütövlüyünə önəm veririk. Türkiyə ilə ortaq coğrafiyamız mədəniyyətimiz var. Gəlin bütün sahələrdə əməkdaşlıq edək və böyük strateji məqsədlərimizi qarşıya qoyaq. Türkiyə ilə ticarəti canlandıracağıq. Bu məsələnin Suriyanın iqtisadi inkişafına kömək edəcək şəkildə irəliləməsini istəyirik.
Digər məsələrlərə gəlincə, 67 sərhədə yenidən qayıtmaq üçün Suriyanın şimal-şərqində İsrailə təzyiqlər artırmalıyıq", - deyə o, qeyd edib.
"Röyters" agentliyinin məlumatına görə Ankarada danışıqlar zamanı Suriyanın yeni prezidenti Əhməd əş-Şaraa Suriya-Türkiyə müdafiə paktını da müzakirə edib. Buraya Suriyanın mərkəzində Türkiyə Hərbi Hava Qüvvələri bazalarının yaradılması da daxildir. Türkiyəli təlimatçılar həmçinin Suriyanın yeni ordusu üçün əsgər hazırlayacaq. Eyni zamanda Suriya höküməti Tartus bazasının Rusiya əvəzinə Türkiyə tərəfindən istifadə edilməsinə maraqlıdır.
Aybəniz Səfərova
22:39 04.02.2025
Oxunuş sayı: 1266
