Çin strateji xammal ixracına məhdudiyyətlər tətbiq edir
Çin sədri Xi Jinping strateji əhəmiyyətə malik 5 maddənin ixracına nəzarətin tətbiq edilməsi haqqında sərəncam imzalayıb.
Crossmedia.az xarici mətbuata istinadən xəbər verir ki, bunlara artilleriya mərmiləri, zirehli polad və kəsici alətlərin istehsalında geniş istifadə olunan volfram, qalay oksidi sayəsində smartfon və televizorlar üçün ekranların istehsalında əsas rol oynayan indium, ərintilərdə, metallurgiya əlavələrində, dərmanlarda və atom tədqiqatlarında istifadə olunan bizmut, metallurgiya, günəş batareyaları, yaddaş çipləri və digər sənayelərdə istifadə olunan mis emalının əlavə məhsulu olan tellur və molibden daxildir.
Belə ki, Çin volfram istehsalı və ixracında üstünlük təşkil edir və 2023-cü ildə qlobal istehsalın 80%-dən çoxunu təmin edir. Britaniyanın Project Blue konsaltinq şirkətinin məlumatına görə, Çin qlobal volfram bazarının 30%-ni, əsasən alət istehsalı üçün tozlar şəklində təmin edir.
Çin qlobal indium istehsalın 70%-ni təşkil edən dünyanın ən böyük indium istehsalçısıdır. 2024-cü ilə qədər ABŞ indium idxalının dörddə biri Çindən gəlib.
21:14 04.02.2025
Oxunuş sayı: 998
