Yunanıstanda zəlzələ təkanı: Sakinlər adanı tərk edir
Yunanıstanın məşhur turizm məkanı olan Santorini adasında baş verən yüzlərlə zəlzələ təkanı yerli sakinlər arasında təşviş yaradıb. Güclü təkanlar torpaq sürüşmələrinə səbəb olub, Nəticədə bir çox insan adanı tərk etməyə başlayıb.
Crossmedia.az Daily Mail-ə istinadən xəbər verir ki, Yunanıstanın Baş naziri Kiriakos Mitsotakis son günlərdə "çox intensiv" geoloji hadisənin müşahidə edildiyini bildirib.
Santorini və ətrafdakı Egey dənizi adalarında ötən həftədən bəri yüzlərlə yeraltı təkan qeydə alınıb. Onların ən güclüsü 4,9 bal gücündə olub.
Qeyd edək ki, Santoriniyə yaxın yerləşən Anafi, İos və Amorgos adaları da zəlzələlərdən təsirlənib. Son günlər ərzində bu bölgədə 200-dən çox dənizaltı təkan qeydə alınıb. Bu gün səhər saatlarında isə Anafi adasının şimal-qərbində 4,2 bal gücündə daha bir zəlzələ baş verib.
Fatimə Məmmədova
20:54 04.02.2025
Oxunuş sayı: 1114
