Xarici xəbərlər
Rusiya XİN ABŞ-nin Ukraynadakı döyüşləri dayandırmaq istəyinin səbəbini açıqlayıb
ABŞ Ukraynadakı döyüşləri dayandırmaqla bu ölkəyə çəkilən xərcləri azaltmaq istəyir. Bu barədə Rusiya Xarici İşlər Nazirliyinin (XİN) MDB ölkələri üzrə ikinci departamentinin rəhbəri Aleksey Polişçuk məlumat verib.
Crossmedia.az bu barədə TASS-a istinadən xəbər verir.
Polişçukun sözlərinə görə, Vaşinqton üçün Kiyev artıq rentabelli aktiv deyil və ABŞ Ukraynanın ayaqda qalması üçün məsuliyyəti Avropadakı müttəfiqlərinə ötürmək niyyətindədir.
Diplomat əlavə edib ki, ABŞ Ukrayna böhranının müəllifidir və münaqişəyə birbaşa şəkildə cəlb olunub. Onun fikrincə, Vaşinqton bu qarşıdurmadan qlobal hegemoniyasını təmin etmək üçün bir vasitə kimi istifadə edir.
Bundan əvvəl Polişçuk bəyan etmişdi ki, ABŞ Ukrayna münaqişəsinin həlli üçün rəsmi təkliflər irəli sürməyib. Lakin o, Vaşinqtonun Ukrayna ilə bağlı mümkün razılaşmanın konturlarını yoxladığını da qeyd edib.
Gültac Mehdizadə
15:36 04.02.2025
Oxunuş sayı: 2689
