Xarici xəbərlər
Orban: Avropa İttifaqını çətin aylar gözləyir
Avropa İttifaqını çətin aylar gözləyir və Brüsseldəki bürokratlar üçün vəziyyət asan olmayacaq.
Crossmedia.az bildirir ki, bu fikirləri Macarıstanın Baş naziri Viktor Orban X sosial şəbəkəsində yazıb.
“Donald Tramp cəmi 14 gün ərzində bir neçə qərarı ilə dünyanı alt-üst etdi. Amerikada gender çılğınlığı sona çatdı, (milyarder Corc) Sorosun qlobalist təşkilatlarına maliyyə dəstəyi dayandırıldı, qeyri-qanuni miqrasiya dayandırıldı və Rusiya-Ukrayna müharibəsinə dəstək kəsildi. Başqa sözlə, Brüsseldəki bürokratların bizə illərlə sırımağa çalışdığı hər şey sona çatdı”, – deyə Orban qeyd edib.
O, həmçinin bildirib ki, Tramp hazırkı qlobal ticarət qaydalarını poza bilər, çünki ABŞ-nin maraqlarını, hətta Avropaya qarşı da qorumaqda israrlıdır.
“Eİ ABŞ ilə iqtisadi əlaqələrini qorumaq üçün razılaşma əldə etməlidir”, – deyə Macarıstan baş naziri vurğulayıb.
Gültac Mehdizadə
15:08 04.02.2025
Oxunuş sayı: 6615
