Bakının bir neçə rayonunda su olmayacaq – Rəsmi Açıqlama
Azərbaycan Dövlət Su Ehtiyatları Agentliyi (ADSEA) paytaxtın bəzi ərazilərində içməli suyun verilməsində müvəqqəti fasilənin yaranacağı ilə bağlı məlumat yayıb.
Crossmedia.az xəbər verir ki, agentliyin verdiyi məlumata görə, Səbail, Nəsimi və Yasamal rayonlarının bir hissəsini içməli su ilə təmin edən magistral xətdə aparılacaq tikinti-bərpa və yenidənqurma işləri səbəbindən bu rayonların müəyyən ünvanlarında suyun verilməsi dayandırılacaq.
Plana əsasən, işlər 5 fevral saat 10:00-da başlanılacaq və 6 fevral saat 07:00-da yekunlaşdırılacaq. Bu müddət ərzində qeyd olunan ərazilərdə su təchizatında fasilələr olacaq.
Azərbaycan Dövlət Su Ehtiyatları Agentliyi bildirir ki, işlər başa çatdıqdan sonra həmin tarixdən etibarən suyun verilməsi əvvəlki rejimlə tam bərpa ediləcək.
Agentlik sakinləri yaranacaq müvəqqəti narahatlığa görə anlayış göstərməyə çağırır və ehtiyat tədbirləri görməyi tövsiyə edir.
11:38 04.02.2025
Oxunuş sayı: 1490
