Trampın BRİCS ölkələrinə 100% rüsum planı tənqid edilir
Trampın BRİCS ölkələrinə 100% rüsum tətbiq etmə planı tənqid edilir.
Crossmedia.az xarici KİV-ə istinadən xəbər verir ki, Goldman Sachs analitik qrupunun fikrincə, ABŞ prezidenti Donald Trampın BRİCS ölkələrinə (Braziliya, Rusiya, Hindistan, Çin və Cənubi Afrika) 100%-lik gömrük rüsumu tətbiq etmək niyyəti iqtisadi baxımdan risklidir.
Mütəxəssislər hesab edir ki, Trampın bu addımı büdcə kəsirini azaltmaq əvəzinə, əksinə, artıracaq. Çünki ABŞ hazırda daxili istehsalla bütün idxalı əvəzləmək imkanına malik deyil. Üstəlik, ölkənin idxalının əhəmiyyətli hissəsi BRİCS ölkələrinin payına düşür.
Analitiklər xəbərdarlıq edir ki, belə bir rüsumun tətbiqi ABŞ-da inflyasiyanı kəskin artıraraq onu ikirəqəmli həddə çatdıra bilər.
Onların fikrincə, istehsalın Amerika qitəsinə tamamilə keçidi başa çatmadan bu cür sərt ticarət siyasəti ABŞ iqtisadiyyatına ciddi zərər vura bilər.
22:27 03.02.2025
Oxunuş sayı: 3732
