Azərbaycan və BƏƏ birgə investisiya fonduna dair müzakirələr aparıb
Azərbaycan və Birləşmiş Ərəb Əmirlikləri (BƏƏ) Birgə İnvestisiya Fondu xətti ilə prioritet sahələrə sərmayə qoyuluşunu müzakirə edib.
Crossmedia.az İqtisadiyyat Nazirliyinə istinadən xəbər verir ki, bu barədə müzakirələr iqtisadiyyat naziri Mikayıl Cabbarovun BƏƏ-nin investisiya naziri Məhəmməd Həssən Əl Suveydi ilə görüşündə aparılıb.
Görüşdə vurğulanıb ki, qarşılıqlı dostluq və hörmət prinsiplərinə əsaslanan Azərbaycan-BƏƏ münasibətləri yüksələn xətlə inkişaf edir, iqtisadi-ticarət tərəfdaşlığı genişlənir. Ölkələr arasında ticarət, investisiya, energetika, kənd təsərrüfatı və maliyyə sahələrində əməkdaşlığının gücləndirilməsi potensialı böyükdür.
Qeyd edək ki, 2023-cü ildə BƏƏ ilə Azərbaycan arasında imzalanmış sənəd əsasında bir milyard dollarlıq maliyyə imkanı olan Birgə İnvestisiya Fondu yaradılıb.
16:15 03.02.2025
Oxunuş sayı: 2939
