Rusiya hərəkətə keçəcək: Paşinyan dövrünün sonu!
MPG şirkətinin direktoru, erməni sosioloq Aram Navasardyanın sözlərinə görə, 2025-ci il yanvarın 20-22-də aparılan sorğuda respondentlərin cəmi 11,3 faizi seçkilərin bu bazar günü keçirilməsi halında hakim partiyaya səs verəcəyini bildirib. Bu, partiyanın indiyədək qeydə alınan ən aşağı göstəricisidir. Ermənistanda keçirilən son sorğular hakim partiyanın reytinqinin rekord dərəcədə aşağı düşdüyünü göstərir. Bunun əsas səbəbləri Nikol Paşinyanın uğursuz daxili və xarici siyasəti, ölkədəki sosial-iqtisadi problemlərin dərinləşməsi və Qərbə yönələn siyasətin yaratdığı gərginliklə bağlıdır. Əhalinin böyük bir hissəsi Paşinyanın qərarsız və ikiüzlü siyasətindən narazıdır. Xüsusilə, Rusiya ilə münasibətlərin soyuması və Paşinyanın Qərbdən umduğunu görə bilməməsi Paşinyanın nüfuzuna ciddi zərbə vurub.
Mövzu ilə bağlı hərbi-siyasi ekspert Telman Qasımov Crossmedia.az-a açıqlama verib:
“Gələn il Ermənistanda seçkilərdir və seçki qabağı təbliğatlar artıq başlayıb. Hazırda Avropa və ABŞ-nin Paşinyana isti münasibəti, Ermənistanın Avrozonaya daxil olma məsələləri də gündəmdədir. Həmçinin Paşinyanın soyqırım məsələsini gündəmə gətirməsi, dərslikləri dəyişərək “erməni xalqı tarixi”-ni “Ermənistan tarixi”-i etmək təşəbbüsü müəyyən qədər onun xeyrinədir. Amma bu o demək deyil ki, Paşinyana qarşı kompaniya olmayacaq. Həmçinin bütün xeyrinə olan məsələlər də keçicidir”.
Ekspert Paşinyanın siyasətdə qərbə yönəlməsi və Rusiyanın bu məsələyə münasibətindən danışıb:
“Paşinyanın qərbə yönəlmək siyasəti hələ ki davam edir. Hamıya bəllidir ki, Paşinyan qərbin gücü ilə hakimiyyətdədir. Qərbin hərbi-siyasi dəstəyi, Ermənistanda qərb hərbi texnikası Paşinyan hakimiyyətini gücləndirir. Qərb dəstəyi bir az zəifləsə Ermənistan dərhal Paşinyanı devirəcək. Rusiya tərəfi də işləyir. Rusiya Gürcüstanı belə Avropanın caynağından aldı. Qərbin Ermənistana silah-sursat təmin etməsi və viza məsələsi olduğu üçün Rusiya hələki məsələyə qarışmır. Amma ilk fürsətdə Paşinyandan canını qurtaracaq və bu istiqamətdə işlər də gedir”.
Ayhan Ağarzayev
16:28 31.01.2025
Oxunuş sayı: 3497
